• O alcalde de Cerceda puxo énfase en dúas palabras no seu discurso dirixido aos escolares: equilibrio e sustentabilidade.
O Concello de Cerceda acolleu hoxe a clausura da XXXIII edición do programa medioambiental Ecovoz no Acuapark do polígono do Acevedo. O espazo de lecer albergou a festa de clausura deste curso á que asistiron moitos dos centros educativos de toda Galicia que participaron nos diferentes concursos celebrados no marco do programa.
O acto estivo presidido polo alcalde de Cerceda, Juan Manuel Rodríguez, a conselleira de Medio Ambiente, Ángeles Vázquez, e o presidente da Sociedade Galega do Medioambiente (Sogama), Javier Domínguez Lino.
O alcalde de Cerceda puxo énfase en dúas palabras no seu discurso dirixido aos escolares: equilibrio e sustentabilidade. “A Sustentabilidade é moi para nós, e Sogama é un claro exemplo do que representa esta palabra. “Lembro que hai moitos anos houbo unha situación de vertedoiros incontrolados e Sogama puxo fin a esta situación xestionando estes residuos e converténdoos nun recurso. Pero tamén é importante o equilibrio. Vedes aquí un paseo fluvial, un xardín botánico e este parque acuático preto dun polígono industrial e evidentemente o polígono ten que ser respectuoso con esta contorna. Pero grazas ás actividades económicas que xera o parque industrial podemos manter estes espazos verdes e desfrutar deles. Grazas a Sogama, a todos os alumnos e alumnas participantes e a La Voz de Galicia por manter este importante programa que fai unha sociedade mellor”.
O CPR La Encarnación, de Caldas, recibiu o premio como gañador do Ecopreguntoiro, un certame no que grupos de rapaces de sexto de primaria se enfrontan en diferentes rondas respondendo cuestións relacionadas co medio natural. O CPR La Merced, de Sarria, recibiu o segundo premio. Durante a xornada entregáronse tamén os premios tanto do Ecopreguntoiro como do Ecoconsello aos centrosCEIP Albeiros de Lugo, CPR La Merced de Sarria); e do Ecovaledor, un recoñecemento a unha persoa que teña traballado polo medio ambiente. Neste caso, a homenxeada foi Theresa Zabell, presidenta da Fundación Ecomar
